काठमाडौं, असोज ३ गते । नेपाली पुरुष राष्ट्रिय भलिबल टोलीले १९औं एसियाली खेलकुद (एसियाड) मा लगातार दोस्रो हार खेपेको छ ।
समूह ‘बी’ अन्तर्गत चीनको हाङझावमा बुधबार भएको खेलमा नेपाल बलियो टोली इरानसँग ३–० को सोझो सेटमा पराजित भयो । यसअघि मंगलबार भएको पहिलो खेलमा नेपाल बहराइनसँग ३–१ को सेटमा पराजित भएको थियो ।
इरानविरुद्ध कमजोर देखिएको नेपाल २५–९, २५–१५, २५–१३ ले पछि परेको थियो । लगातार दोस्रो हारसँगै पुरुष भलिबलमा नेपालको चुनौती समूह चरणमै सकिएको छ ।
