गोरखापत्र अनलाइन
काठमाडौं, साउन १५ गते । नेकपा (एमाले) का सांसद गोकुलप्रसाद बाँस्कोटाले सुन तस्करी प्रकरणको अनुसन्धान गर्न उच्चस्तरीय छानबिन समिति बनाउने गरी गृहकार्य गर्न सरकारले मंगलबारसम्मको समय मागेको बताउनुभएको छ ।
संसद् भवनबाहिर आज सञ्चारकर्मीसँग संक्षिप्त कुरा गर्दै उहाँले सो कुरा बताउनुभएको हो । मङ्गलबारसम्मको समय माग गरेकाले आजको प्रतिनिधि सभा बैठक बस्न नसकेको उहाँको भनाइ छ ।
सरकारले जति चाँडो उच्चस्तरीय छानबिन समिति बनायो त्यति चाँडै संसद् बैठक सुचारु हुने उहाँको भनाइ छ । सरकारले अविलम्ब उच्चस्तरीय छानबिन समिति बनाउनुपर्ने उहाँले सुझाव दिनुभयो ।
उहाँले भन्नुभयो, ‘सरकारले भोलीसम्मको समय मागेको छ, उच्चस्तरीय छानबिन समिति बनाउने वा नबनाउने भन्ने निर्णय गर्न । भोलि बनायो भने संसद् बैठक चल्छ ।’ सांसद बाँस्कोटाले अनियमितताको प्रश्न उठिसकेपछि सरकार ढाकछोप गर्न नलागेर निष्पक्ष छानबिन गर्न लाग्नुपर्ने बताउनुभयो ।
-original-thumb.jpg)