काठमाडौं,साउन ४ गते । सुन तस्करीमा संलग्न रहेको आरोपमा पक्राउ परेका छ जनालाई उच्च अदालत पाटनले १० दिन थुनामा राखेर अनुसन्धान गर्न अनुमति दिएको छ । उच्च अदालत पाटनका रजिष्ट्रार ठगिन्द्र कट्टेलका अनुसार पक्राउ परेका छ जनालाई थुनामा राख्न अदालते अनुमति दिएको हो ।
सामान्य अवस्थामा अधिकतम सात दिनसम्म थुनामा राखेर अनुसन्धान गर्न अनुमति दिने गरिएको भए पनि सुन तस्करीको मुद्दा जटिल खालको भएकाले १० दिनको म्याद थप भएको उहाँको भनाइ छ ।
उहाँले भन्नुभयो, “सामान्य अवस्थामा अनुसन्धानका लागि अधिकतम सात दिनको म्याद थप गरिन्थ्यो । तर, यो विशेष प्रकृतिको भएकाले १० दिनको म्याद थपिएको छ ।” घटनामा जोडिएका अन्यलाई अदालतले जरुरी पक्राउ पुर्जी जारी गरेको उहाँले बताउनुभयो ।
यो पनि पढ्नुहोस
