काठमाडौं, असार २ गते । चीनको होङझावमा हुने १९औँ एसियाली खेलकुद (एसियाड) का लागि आर्चरीमा चार खेलाडी छनोट भएका छन् ।
रिकर्भ पुरुषमा नेपाल पुलिस क्लबका तिलक पुनमगर १२६७ अङ्क, रिकर्भ महिलामा आर्मीकी मञ्जु बजगाईँ १०७० अङ्क, कम्पाउण्ड पुरुषमा गण्डकी प्रदेशका योगेन्द्र शेरचन १२८९ अङ्क र कम्पाउण्ड महिलामा आर्मीका इमायुङ राई १३०३ अङ्क जोड्दै छनोट हुनुभएको छ ।
१९औँ एसियाली खेलकुदमा उक्त खेलाडीले १० इभेन्टमा प्रतिस्पर्धा गर्नेछन् । उक्त छनोटमा ११औँ राष्ट्रिय आर्चरी प्रतियोगिताबाट १४ जना छनोटमा परेका खेलाडीको सहभागिता रहेको थियो ।
