बलात्कार गरेको आरोपमा एक पक्राउ

लक्ष्मणदत्त पन्त

महेन्द्रनगर, बैशाख २० गते । कञ्चनपुरमा किशोरी बलात्कार गरेको आरोपमा एक जना पक्राउ परेका छन् । १७ वर्षीया किशोरीलाई जबरजस्ती करणी गरेको आरोपमा प्रहरीले एक किशोरलाई पक्राउ गरेको जनाएको छ । 

बेदकोट नगरपालिका –१० का १८ वर्षीय किशोरलाई मंगलबार राति प्रहरीले पक्राउ गरेको हो । किशोरीले ती किशोरविरुद्ध गत सोमबार जबरजस्ती करणीको उजुरी दिएकी थिइन् । आरोपीलाई पक्राउ गरी घटनाको अनुसन्धान भइरहेको जिल्ला प्रहरी कार्यालयका डिएसपी प्रकाश डाँगीले बताउनुभयो ।