एसइई परीक्षार्थीको दुर्घटनामा मृत्यु

सुजल श्रेष्ठ 

प्युठान, चैत २४ गते । एसइई परीक्षा दिएर फर्किएका एक परीक्षार्थीको दुर्घटनामा ज्यान गएको छ । स्वर्गद्वारी नगरपालिका –४ गोठिबाङ वडा कार्यालय नजिकै भएको दुर्घटनामा बेलबास माध्यमिक विद्यालय तापामा अध्ययनरत प्रतीक घर्तीको ज्यान गएको प्रहरीले जनाएको छ ।

विद्यानन्द माध्यमिक विद्यालय जुडापाटा परीक्षा केन्द्रमा एसइई परीक्षा दिएका विद्यार्थीलाई फर्काउँदै गरेको लोकचेतना एकेडेमीको लु १ क १०९४ नम्बरको  स्कुल बससँग लु ६६ प ५३४९ नम्बरको मोटरसाइकल ठोक्किँदा घर्तीको ज्यान गएको प्रहरी निरीक्षक सुशील थापा मगरले जानकारी दिनुभयो । घटनाको अनुसन्धान भइरहेको उहाँले बताउनुभयो ।