कुपन्डोलमा आगलागी हुँदा १२ वटा सवारीसाधन जलेर नष्ट

ललितपुर, चैत २० गते । ललितपुरको कुपन्डोलमा आज बिहान आगलागी हुँदा लाखौँ रकमको क्षति भएको छ । बिहान ३ः४० बजे एक्कासि आगो लागेसँगै ६ वटा विद्युतीय गाडी, ३ वटा मोटरसाइकल, एउटा भ्यान र दुईवटा स्कुटर गरी १२ वटा सवारी साधन जलेर नष्ट भएकाे प्रहरीले जनाएको छ ।

प्रहरी परिसर ललितपुरका प्रहरी वरिष्ठ उपरिक्षक शिद्धि बिक्रम शाहले आगलागीबाट मानवीय क्षति भने भएकाे छैन र तत्कालै दमकल पुगेपछि आगोलाई नियन्त्रणमा लिइएको बताउनु भयाे । 

शाहका अनुसार, आगलागीबाट सातवटा चार पाङ्ग्रे सावारी साधन, तीनवटा मोटर र दुईवटा स्कुटर जलेर नष्ट भएको छ । ‘आगलागीबाट ठूलो क्षति भएकाले क्षतिको विवरण लिने काम हुँदैछ,’शाहले भन्नुभयो ।