न्याम्स पदाधिकारीविहीन

काठमाडौँ, चैत ४ गते । चिकित्सा विज्ञान राष्ट्रिय प्रतिष्ठान (न्याम्स)मा उपकुलपतिलगायतका पदाधिकारीको पद रिक्त भएको छ । प्रतिष्ठानका उपकुलपति प्राडा डीएन शाहको मङ्गलबार र अन्य पदाधिकारीको कार्यकाल बुधबारबाट रिक्त भएको छ । रेक्टर प्राडा सुवोध अधिकारी, रजिस्ट्रार प्रमिला देवान र डिन डा. पीयूष दाहालको कार्यकाल सकिएसँगै न्याम्सका पदाधिकारी रिक्त भएको हो । 

स्वास्थ्य तथा जनसङ्ख्या मन्त्रालयका सचिव डा. रोशन पोखरेलले सरकारले ती पदाधिकारीको नियुक्ति तत्काल गर्ने जानकारी दिनुभयो ।