काठमाडौं, फागुन १७ गते। कृषि तथा पशुपन्छी विकास मन्त्रालयले केही सञ्चारमाध्यममा प्रकाशित तरकारीको विषादी जाँच्ने प्रस्ताव र जीटूजीबाट मल आयात सम्बन्धी समाचारमा ध्यानाकर्षण भएको जनाएको छ।
मन्त्रालयका सहसचिव एवम् प्रवक्ता प्रकाशकुमार सन्जेलले मन्त्रालयका प्रवक्तालाई उल्लेख गर्दै भारतबाट जीटूजीबाट थप मल आउने नसक्ने विषयमा प्रकाशित समाचारप्रति मन्त्रालयको ध्यानाकर्षण भएको बताउनुभएको हो। विज्ञप्तिमा भनिएको छ, ‘‘केही सञ्चारमाध्यममा प्रकाशित तरकारीको विषादी जाँच्ने प्रस्ताव र जीटूजीबाट मल आयात सम्बन्धी समाचारमा कृषि तथा पशुपन्छी विकास मन्त्रालयको ध्यानाकर्षण भएको छ।’’
खाद्य पदार्थको गुणस्तर सम्बन्धमा बनेको खाद्य ऐन, २०२३ मा व्यवस्था भए अनुरूप नेपालभर उत्पादन, आयात, निर्यात एवम् बिक्री वितरण हुने खाद्य पदार्थका लागि मापदण्डलाई आकर्षित गर्ने काम भइरहेको विज्ञप्तिमा उल्लेख छ।
प्रधानमन्त्री पुष्पकमल दाहाल ‘प्रचण्ड’ले तरकारी किसान र विषादीको विषयमा ध्यानाकर्षण भएको भन्दै नयाँ प्रस्ताव तयार गरेर मन्त्रिपरिषद्मा पेस गर्न निर्देशन दिइसक्नु भएको छ। प्रधानमन्त्रीको निर्देशन अनुसार मन्त्रालयले नयाँ प्रस्ताव तयार गरिरहेको विज्ञप्तिमा उल्लेख छ।
-original-thumb.jpg)
