चाँदनी आचार्य
घोडाघोडी (कैलाली), फागुन ११ गते । कैलालीमा सवारी दुर्घटनामा परी एक जनाको मृत्यु भएको छ । गोदावरी नगरपालिका वडा ९ बल्मीमा बिहीबार हाइस गाडीको ठक्करबाट उहाँको मृत्यु भएको हो ।
दुर्घटनामा परी गौरीगङ्गा नगरपालिका–६ का पैदलयात्री केहुवा चौधरीको मृत्यु भएको जिल्ला प्रहरी कार्यालय कैलालीले जनाएको छ । पूर्वबाट पश्चिमतर्फ जाँदैगरेको बा ५ ख ४०३२ नम्बरको हाइसले चौधरीलाई ठक्कर दिएको थियो । हाइसको ठक्करबाट ६५ वर्षीय चौधरीको घटनास्थलमै मृत्यु भएको प्रहरीले जनाएको छ ।
हाइस चालक कोहलपुर –२ बाँकेका नवीन सिंह र हाइसलाई प्रहरी नियन्त्रणमा लिइएको प्रहरीले जनाएको छ । लास पोष्टमार्टमका लागि सेती प्रादेशिक अस्पताल धनगढी पठाइएको प्रहरीले जनाएको छ ।
