कमल शर्मा
दैलेख, फागुन ९ गते । कर्तव्य ज्यान मुद्दामा दुई वर्षदेखि फरार रहेका प्रतिवादी पक्राउ परेका छन् । कोपिला बुढा मगरको जाहेरीमा कर्तव्य ज्यान मुद्दामा फरार रहेका प्रतिवादीलाई पक्राउ गरिएको जिल्ला प्रहरी कार्यालय दैलेखले जानकारी दिएको छ ।
जिल्ला प्रहरी कार्यालय दैलेखका प्रहरी निरीक्षक दीपकसिंह विष्टको टोलीले फरार प्रतिवादी नौमुले गाउँपालिका –४ बाङ्गेबजार बस्ने ३० वर्षीय छबिन्द्र बुढा मगर, ३१ वर्षीय कमल सारु मगर र ४२ वर्षीय कर्मसिंह दर्लामीलाई नौमुले गाउँपालिका –४ बाङ्गेबजार र वडा नम्बर १ नौमुले बजारबाट पक्राउ परेका छन् ।
प्रहरी निरीक्षक विष्टले जिल्ला अदालत दैलेखबाट जारी भएको पक्राउ पुर्जीका आधारमा उनीहरूलाई पक्राउ गरिएको जानकारी दिनुभयो । उनीहरूमाथि थप अनुसन्धान भइरहेको प्रहरीले जनाएको छ ।
-original-thumb.jpg)
