प्रधान सेनापति र चीनका राजदूतबीच भेटघाट

काठमाडौं, माघ २६ गते । नेपाली सेनाका प्रधान सेनापति महारथी प्रभुराम शर्मा र नेपालका लागि चीनका राजदूत छेन सोङबीच भेटवार्ता भएको छ । बिहीबार जङ्गी अड्डामा प्रधान सेनापति शर्मा र राजदूत र सोङबीच भेटवार्ता भएको हो ।

भेटवार्तामा दुई पक्षीय हित तथा पारस्परिक सम्बन्धका विषयमा छलफल भएको जनसम्पर्क तथा सूचना निर्देशनालयले जनाएको छ ।

यस भेटले दुई देशबीच रहिआएको सम्बन्ध तथा सुमधुर एवम् प्रगाढ बनाउन मद्दत पुग्ने विश्वास सेनाले लिएको छ ।