काठमाडौँ, माघ २६ गते । कोरोना महामारीसँगै बन्द रहेको किमाथाङका नाका आन्तरिक प्रयोजनका लागि खुलाई दिन सहजीकरणको माग गर्दै सीमावासीहरूले सरकारसँग माग गरेका छन् ।
सङ्खुवासभाको भोटखोला र चीनको सीमासँग जोडिएको उक्त नाका बन्द हुँदा सीमावासीले सास्ती खेप्नु परेको भन्दै नाका खुल्ला गर्न परराष्ट्र मन्त्री विमला राई (पौडेल)सँग माग गर्नुभएको छ । भोट खोला गाउँपालिकाका अध्यक्ष वाङ छेदर भोटेसहितको टोलीले बुधवार मन्त्री राईलाई ज्ञापन पत्र बुझाउनु भएको छ ।
