सुख हो कविता, दुःख हो कविता
कविका मनको बह हो कविता ।
रस मिश्रित भाष्य न हो कविता
हुन पद्य र गद्य दुवै कविता ।।
भव हो कविता नभ हो कविता
दिलको उद्गार न हो कविता ।
कविका सिर्जना रचना कविता,
प्रतिविम्ब र विम्ब न हो कविता
कहीँ प्रश्न न हो कहीँ उत्तर हो,
बुझ गन्थन मन्थन हो कविको ।
रस भाव कला सब मिश्रण हो,
भव सागरको गहिरो कल हो ।।
सुर ताल मिले लयमा बहने,
गण अक्षरको पनि अर्थ हुने ।
घटनाहरूको समवेग न हो,
सिर्जनात्मक सीप कला कविको
अलकापुरीको जल निर्मल हो
सतसङ्ग बुझे भजनै शिवको ।
वन माहुरीको रसझैँ कविको
कविता कविको बुझ सिर्जन हो ।।
धनगढी
