जसपा संसदीय दलको नेतामा रामसहाय यादव निर्विरोध

काठमाडौं, पुस १३ गते । जनता समाजवादी पार्टी (जसपा)को संसदीय दलको नेतामा रामसहायप्रसाद यादव निर्विरोध निर्वाचित हुनुभएको छ ।

जसपा प्रचार विभाग प्रमुख पूर्ण बस्नेतले संसदीय दलको नेता चयनका लागि यादवको मात्रै मनोनयन दर्ता भएको बताउनुभयो ।

यादव बारा निर्वाचन क्षेत्र नम्बर २ बाट निर्वाचित सांसद हुनुहुन्छ । प्रतिनिधिसभामा जसपाका १२ जना सांसद छन् ।

जसपाको संसदीय दलको नेतामा सङ्घीय परिषद् अध्यक्ष अशोक राईसहित सांसदद्वय राजकिशोर यादव र नवलकिशोर साहले पनि दाबी गर्दै आउनुभएको थियो । तथापी दलको नेता चयनका लागि दुवै नेताले उम्मेदवारी नदिनुभएको जसपाले जनाएको छ ।

जसपाले नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड नेतृत्वको सरकारलाई समर्थन गरेको छ ।