आज पुसे औँसीः रसुवाको वेत्रावतीमा भक्तालुको भीड

रसुवा, पुस ८ गते । पुसे औँसीको अवसरमा रसुवाको वेत्रावतीमा भक्तालुको भीड लागेको छ । 

पुस महिनाको औँसीमा पितृ कर्म, पिण्ड, तर्पण अनि श्राद्ध दिन वेत्रावती जाने गर्दछन् । पौसे औँसीको दान पुण्य हुने विश्वास पनि छ ।

वेत्रावतीसँगै काठमाडाै‌को गोकर्ण, सुनसरीको वराहक्षेत्र, मुस्ताङको कागबेनीलगायतमा पनि श्राद्ध गर्नेहरूको भीड लाग्ने गर्छ । 

छोटो र चिसो दिनहरू भएको पुस महिना धनधान्य र सौभाग्यको हिसाबले असाध्यै महत्त्वपूर्ण महिना मानिन्छ । 

तस्बिर: राममणि दाहाल