धादिङ क्षेत्र नं २ (ख) मा राप्रपाका डम्बर तामाङ विजयी

मुरारी अधिकारी

धादिङ, मङ्सिर ८ गते । धादिङ प्रतिनिधिसभा क्षेत्र नम्बर २ को प्रदेशसभा २ मा राप्रपाका डम्बर तामाङ विजयी हुनुभएको छ । नेकपा एमालेसँग तालमेल गरेर चुनाव लडेका तामाङले नेकपा माओवादी केन्द्रका उम्मेदवार जगतबहादुर सिंखडालाई एक सय ३१ मतले पछि पार्दै विजयी हुनुभएको हो ।

प्रारम्भिक मत परिणाम अनुसार राप्रपाका तामाङले १४ हजार ४ सय ८१ मत पाउनुभएको छ । उहाँको निकटतम प्रतिद्वन्द्वी सिंखडाले १४ हजार ३ सय ५० मत ल्याउनुभएको थियो । विजयी तामाङलाई नेकपा एमालेले समर्थन गरेको थियो भने सिँखडालाई नेपाली काँग्रेस नेकपा एकीकृत समाजवादीले समर्थन गरेको थियो ।