पूर्वी नवलपरासी २ को मतगणना सुरु, काँग्रेसको अग्रता

मीना कंडेल

कावासोती, मङसिर ५ गते । पूर्वी नवलपरासीको निर्वाचन क्षेत्र नं. २ मा प्रतिनिधिसभा सदस्यको लागि मतगणना सुरु भएको छ । यहाँ नेपाली काँग्रेसका विष्णु कार्कीले अग्रता लिनुभएको छ ।

हुप्सेकोट गाउँपालिका ६ मा खसेको एकहजार २६४ मत गणना सकिँदा नेकपा एमालेका तिलक महतले ४ सय ९१ मत प्राप्त गर्नु भएको छ ।

नेपाली काँग्रेसका विष्णु कार्कीले ७०६ मत प्राप्त गर्नुभएको छ । त्यसैगरी राष्ट्रिय स्वतन्त्र पार्टीका शालिकराम न्यौपानेले ३ मत, राप्रपाका विष्णु अधिकारीले ४, हाम्रो नेपाली पार्टी जगन्नाथ पोख्रेलले ४ मत प्राप्त गर्नुभएको छ । नवलपुर क्षेत्र नं. २ मा १ लाख २९ हजार २ सय ८० जना मतदाता रहेका छन् ।