प्रेम अधिकारी
पशुपतिनगर (इलाम), मङ्सिर ४ गते । पूर्व प्रधानमन्त्री झलनाथ खनालले बिहान ८ः३० मा इलामबाट मतदान गर्नुभएको छ ।
नेकपा (एकीकृत समाजवादी)का वरिष्ठ नेता खनालले इलामको सूर्योदय नगरपालिका ९ रम्फोकमा रहेको राष्ट्रिय आधारभूत विद्यालयबाट मतदान गर्नुभएको हो ।
उहाँ परिवारसहित केन्द्रमा पुगेर मतदान गर्नुभएको छ । मतदानपछि उहाँले पत्रकारहरूसँग कुरा गर्दै मतदान गर्ने अधिकारबाट कोही वञ्चित हुन नहुने बताउनुभयो ।
उहाँले देशमा गठबन्धनको अझै आवश्यकता रहेको बताउँदै गठबन्धनकै नेतृत्वमा आगामी सरकार बन्ने बताउनुभयो । उहाँले भन्नुभयो, ‘देशलाई स्थायित्व प्रदान गर्नका लागि यो निर्वाचन महत्त्वपूर्ण हुनेछ ।’
उहाँले बाहिर हल्ला भए जस्तो राष्ट्रपतिका लागि कुनै सहमति भइनसकेको बताउनुभयो । खनालले भन्नुभयो ‘त्यस्तो कुनै सहमति भएको छैन तर अवसर पाए, नाइँ भन्दिनँ ।’
-original-thumb.jpg)
