इस्लामावाद, वैशाख १ गते । पाकिस्तानको उत्तरपश्चिमी खैबर पख्तुनख्वा प्रान्तमा अज्ञात बन्दुकधारीको समुहले पोलियो अभियानमा खटियका प्रहरीको गाडीमा आक्रमण गर्दा कम्तीमा एक जना प्रहरीको मृत्यु हुनुका साथै अन्य पाँच जना घाइते भएको आधिकारिक स्रोतले बताएका छन् ।
आक्रमणको घटना हंगु जिल्लामा भएको थियो, जहाँ प्रहरी टोली पोलियो विरोधी अभियानको लागि सुरक्षा प्रभान गर्ने कर्तव्य पालन गर्न जाँदै थियो, स्रोतले नाम न छाप्ने सर्तमा बताएको सिन्हुवाले जनाएको छ ।
आक्रमणकारीले प्रहरीलाई आक्रमण गरी अन्धा धुन्ध गोली हान्दा छ जना कर्मचारी घाइते भएको पुष्टि गर्दै प्रहरीले उपचारको क्रममा एक जना घाइतेको मृत्यु भएको जनाएको छ । सुरक्षा बल घटनास्थलमा पुगेर घटनास्थलाई घेराबन्दी गरी आक्रमणकारीलाई पत्ता लगाउन खोजी अभियान सुरु गरेको बताइएको छ भने अहिले सम्म कुनै समूहले आक्रमणको दाबी गरेको छैन । रासस/सिन्ह्वा
-square-thumb.jpg)
-original-thumb.jpg)
