एकिन्द्र तिमिल्सेना
टीकापुर, फागुन २६ गते ।इलाका प्रहरी कार्यालय टीकापुरको ब्यारेकको छतबाट खसेर यहाँ कार्यरत प्रहरी जवान सन्देश चदाराको मृत्यु भएको छ ।
सोमबार राति करिब ११ बजेतिर कार्यालयसँगै रहेको व्यारेक भवनको छतबाट खसेर अन्दाजी ३० वर्षीय चदाराको मृत्यु भएको इलाका प्रहरी कार्यालय टीकापुरका सूचना अधिकारी प्रहरी निरीक्षक मुकेश न्यौपानेले जानकारी दिनुभयो ।
न्यौपानेका अनुसार चदारा बझाङको तलकोट गाउँपालिका–१ का बासिन्दा हुन् ।घटनाको कारण खोज्न अनुसन्धान भैरहेको छ।
मृतकको शव परीक्षणका लागि टीकापुर अस्पतालमा राखिएको छ ।
