शारदा माविमा १२ लाखको अक्षयकोष स्थापना

कविराज घिमिरे 

हिले, माघ २१ गते । धनकुटाको महालक्ष्मी नगरपालिका-२ मा रहेको श्री शारदा माध्यमिक विद्यालयमा १२ लाख बराबरको अक्षयकोष स्थापना भएको छ । 

विद्यालयको ६३ औँ वार्षिक उत्सवको अवसर पारेर १३ जना सहयोगदाताले १२ लाख छ हजार ६४३ रुपियाँ अक्षयकोष स्थापनाको लागि सहयोग गर्नुभएको हो । 

लीलाबहादुर कृष्णमाया कटुवाल अक्षयकोषका लागि सीताराम कटुवाल र भोलानाथ कटुवालले दुई लाख २५ हजार पाँच सय ५५, तारासी मनमाया स्मृति अक्षयकोषका लागि गणेश कटुवालले दुई लाख २२ हजार दुई सय २२, तारा गङ्गा बुढाथोकी अक्षयकोषका लागि धन बहादुर बुढाथोकी ‘रबिन‘ले दुई लाख ८२ रुपियाँ हस्तान्तरण गर्नुभयो । 

त्यस्तै प्रेम पूर्ण विष्णु लाया अक्षयकोषका लागि विष्णु लाया मगरले एक लाख एक हजार एक सय ११, भीम लाख प्रकृति र खाल शैक्षिक सुधार अक्षयकोषका लागि महालक्ष्मी नगरपालिका वडा नम्बर दुईका वडाध्यक्ष तथा सोही विद्यालय व्यवस्थापन समितिका अध्यक्ष पदम र खाल मगरले एक लाख एक सय ११ रुपियाँ  विद्यालयलाई हस्तान्तरण गर्नु भएको विद्यालयका प्रधानाध्यापक गुरु बरालले जानकारी दिनुभयो । 

त्यस्तै अणबहादुर तेलीमाया अक्षयकोषका लागि मदन राय र भूमिका राय तथा भेदबहादुर राधिका स्मृति अक्षयकोषका लागि नरबहादुर बानिया समान ले ५५ हजार पाँच सय ५५, कुलबहादुर, देवी माया स्मृति अक्षयकोषका लागि जितमाया कार्की तथा वेगमाया कार्की र रुद्रबहादुर मनमाया अक्षयकोषका लागि डम्बरबहादुर कटुवालले ५१ हजार एक सय ११, जगतबहादुर लिलमाया, झप्टीमान कटुवाल अक्षयकोषका लागि योगेन्द्र कटुवालले ५० हजार ५, पवित्रामाया भीममाया र काजीमान अक्षयकोषका लागि सोभितामान कटुवालले ३२ हजार ५०, तारावीर नरमाया थापा अक्षयकोषका लागि रोहितमान थापाले ३१ हजार एक सय २५ र लालबहादुर नैनमाया अक्षयकोषका लागि मोहन श्रेष्ठ तथा शर्मिला श्रेष्ठले ३१ हजार एक रुपियाँ  प्रदान गर्नुभयो । 

अक्षयकोषबाट विपन्न जेहेनदार विद्यार्थीलाई छात्रवृत्ति, विद्यालयको शैक्षिक सुधार, विद्यालयको खेलकुद गतिविधि लगायतको क्षेत्रमा खर्च गरिने विद्यालय व्यवस्थापन समितिका अध्यक्ष पदम रखाल मगरले जानकारी दिनुभयो । 

त्यस्तै विद्यालयले ६३ औँ वार्षिक उत्सवको अवसर विभिन्न कार्यक्रम गरी मनाएको छ । पालिका भित्रका विद्यालय स्तरीय नाच प्रतियोगिता, पूर्व विद्यालय व्यवस्थापन समिति अध्यक्ष तथा शिक्षक सम्मान, विद्यार्थीलाई छात्रवृत्ती तथा पुरस्कार हस्तान्तरण लगायतका कार्यक्रम आयोजना गरिएको थियो । 

महालक्ष्मी नगरपालिकाका प्रमुख धुव्रराज रायाको प्रमुख आतिथ्यतामा भएको कार्यक्रममा विद्यार्थी अभिभावक लगायतको सहभागिता रहेको थियो ।