काठमाडौं, असार १९ गते । स्पेनिस स्टार राफेल नाडाल विम्बल्डन टेनिसको अन्तिम १६ मा प्रवेश गर्नुभएको छ । नाडालले शनिबार राति भएको खेलमा इटालीका लोरेन्जो सोनेगोलाई ३-० को सेटमा हराउनुभयो । लन्डनमा जारी प्रतियोगितामा नाडालले लोरेन्जोमाथि ६-१, ६-२, ६-४ को जित निकाल्नुभएको थियो ।
३६ वर्षीय नाडालले दुई पटक विम्बल्डन जित्नुभएको छ । कीर्तिमानी २२औं पटकका ग्रान्डस्लाम विजेता नाडालले अन्तिम १६ मा नेदरल्यान्ड्सका बोटिक भान डीसँग प्रतिस्पर्धा गर्नुहुनेछ ।
नाडालपछि नोभाक जोकोभिच र रोजर फेडेररले समान २० पटक ग्रान्डस्लाम जित्नुभएको छ । शनिबार राति नै भएको अर्को खेलमा निक किर्गियोसले स्टेफानोस सित्सिपासलाई ६-७, ६-४, ६-३, ७-६ को सेटमा हराउँदै अन्तिम १६ मा स्थान बनाउनुभएको छ । एजेन्सी
