.jpg)
सिड्नी, असोज ३१ गते । अष्ट्रेलियाको उत्तरपूर्वी राज्य क्विन्सल्यान्डको दुई हुलाक कार्यालयमा शुक्रबार भएको रसायनको चुहावटबाट प्रभावित भएपछि पाँच जनालाई अस्पताल भर्ना गरिएको छ ।
आपतकालीन सेवाहरूलाई शुक्रबार बिहान ६ः३० बजेपछि ब्रिस्बेनको एक हजार किलोमिटर उत्तरपश्चिममा रहेको ग्रामीण शहर चार्टर्स टावर्समा धुवाँ र गन्ध आएको सूचना गरिएको थियो ।
केही समयपछि, चार्टर्स टावर्सबाट १०५ किलोमिटर उत्तरमा टाउन्सभिल सहरमा प्याकेजबाट अज्ञात तरल पदार्थ चुहिएको जनाइएको छ ।
क्वीन्सल्यान्ड फायर डिपार्टमेन्ट (क्युएफडी) का प्रवक्ताले न्यूज कर्प अष्ट्रेलियाका अखबारहरूलाई घटना दुई स्थानहरू बिच ढुवानी गरिएको सामानसँग सम्बन्धित रहेको जनाउनुभएको छ ।
यसमा संलग्न रसायनको पहिचान गर्न तत्काल परीक्षण गर्न दुवै स्थानमा क्युएफडी वैज्ञानिक टोली तैनाथ गरिएको छ ।
अस्ट्रेलियन ब्रोडकास्टिङ कर्पोरेसनले प्रहरीले अनुसन्धान सुरु गर्नु अघि परीक्षणको परिणामको प्रतीक्षा गरिरहेको बताएको छ । रासस/सिन्ह्वा
