ठाकुरप्रसाद आचार्य
म्याग्दी,असोज २८ गते। धौलागिरी हिमालको काखमा रहेको म्याग्दीको रघुगंगा गाउँपालिका–५ झिँ गाउँ। जनजातीको बसोबास रहेको यो गाउँ पर्यटकीय स्थल टोड्केको फेदीमा र धौलागिरी सेञ्चुरी पदमार्गको प्रवेशद्धारका रुपमा रहेको छ।
यहाँका प्रयाजसो घरहरु ढुङ्गाले बनेका छन्। हिमालको काख,न्यायो स्वागत,अर्गानिक खाना, र मौलिकताले पर्यटक लोभ्याउने गर्दछ।
यहाँ आउने पर्यटकका लागि स्थानीयहरुले होमस्टे(घरबास) सञ्चालन गरेका छन्। झिँ गाउँमा मगर समुदायको मौलिक कला र संस्कृति अझै जिवित छ।
