धर्बेन्द्र झा
जनकपुरधाम, असोज २८ गते । मधेश प्रदेशका मुख्यमन्त्री सतिश कुमार सिंहले मङ्गलबार पदबाट राजीनामा दिएपछि मधेश प्रदेशका प्रदेश प्रमुख सुमित्रा सुवेदी भण्डारीले आजै सरकार गठनका लागि दावी पेश गर्न आह्वान गर्नुभएको छ ।
प्रदेश प्रमुख भण्डारीले नेपालको संविधानको धारा १६८ को उपधारा (२) बमोजिम प्रदेशसभामा प्रतिनिधित्व गर्ने दुई वा दुई भन्दा बढी दलहरुको समर्थनमा बहुमत प्राप्त गर्न सक्ने प्रदेशसभा सदस्यलाई मिति २०८२ /६/२९ गते बुधबार दिन ४ वजे भित्र मधेश प्रदेशको मुख्यमन्त्री पदमा नियुक्त गर्ने प्रयोजनका लागि आफनो दावी पेश गर्न आह्वान गर्नुभएको प्रदेश प्रमुख कार्यालयका निमित सचिव शत्रुधन यादवद्वारा जारी गरिएको विज्ञप्तीमा उल्लेख छ ।
मुख्यमन्त्री सिंहले नेपालको संविधानको धारा १६९ उपधारा (१)को खण्ड क अनुसार मुख्यमन्त्री पदबाट दिनु भएको राजिनामा प्रदेश प्रमुख भण्डारीले आजै स्वीकृत गर्नुभएको थियो ।
साथै नेपालको संविधानको धारा १६९ उपधारा ३ बमोजिम अर्को व्यवस्था नभएसम्मका लागि मौजुदा मन्त्रिपरिषदलाई प्रदेशको मन्त्रिपरिषदको कार्यभार संचालन गर्न तोकिएको प्रदेश प्रमुख कार्यालयका निमित सचिव शत्रुधन यादवद्धारा जारी गरिएको विज्ञप्तीमा उल्लेख छ ।
