इलाममा ज्यान गुमाउनेको सङ्ख्या ३७ पुग्यो, ४ बेपत्ता

कोकिला ढकाल

इलाम, असोज १९ गते । गए राति अविरल वर्षासँगै आएको बाढी पहिरोका कारण इलाममा ज्यान गुमाउनेको सङ्ख्या ३७ पुुगेको छ । चार जना बेपत्ता भएका छन् ।

सूूर्योदय नगरपालिकामा ५ जना, इलाम नगरपालिका –६ मा ६ जना, सन्दकपुर गाउँपालिकामा ६ जना, माङ्सेबुुङमा ३ जना, देउमाई नगरपालिकामा ८ जना, माइजोगमाईमा ८ जना र फाकफोकथुममा १ गरी ३७ जनाको ज्यान गएको इलामका प्रमुख जिल्लाअधिकारी सुनिता नेपालले जानकारी दिनुुभयो । 

प्रजिअ नेपालका अनुुसार सन्दकपुरमा दुुई, माईजोगमाईमा एक र इलाम नपा–६ मा एक गरी ४ जना बेपत्ता छन् । मृतकमध्ये ११ को पोष्टमार्टम भइसकेको छ । अन्यको उद्धार र पोष्टमार्टमका लागि इलाम अस्पताल ल्याइँदै गरेको बताइएको छ । 

सशस्त्र प्रहरीले उपलब्ध गराएको तथ्याङ्क