गणेश खनाल
अर्घाखाँची, असोज १३ गते । फोर्स गाडी दुर्घटना हुदाँ दुई जनाको मृत्यु भएको छ र २४ जना घाइते भएका छन् ।
बुटवलबाट गुल्मीको पुर्कोट जाँदै गरेको लु १ ज ४७२४ फोर्स गाडी सन्धिखर्क नगरपालिका–९ टारीमा सोमवार विहान दुर्घटना भएको हो ।
मृत्यु हुनेमा गुल्मी जिल्ला मदाने गाउँपालिका–६ पुर्कोट वस्ने वर्ष १० की अरुणा थापा र गुल्मी मदाने गाउँपालिका–७ नेटा खर्क वस्ने वर्ष १३ को नारायण पौडेल रहेको जिल्ला प्रहरी कार्यालय अर्घाखाँचीका सूचना अधिकृत झलक शर्माले जानकारी दिनुभयो । गाडी अनियन्त्रित भर्ई सडकदेखि करिव ३० मिटर तल खस्दा दुर्घटना भएको थियो ।
गम्भीर घाइते गुल्मी मदाने गाउँपालिका वडा नं.६ वस्ने वर्ष ३२ को तारा सेन के.सी ढाड र टाउकोमा चोट लागि अवस्था गम्भीर रहेकाले बुटवलतर्फ रिफर गरिएको छ । २० जना घाइतेको अर्घाखाँची अस्पतालमा उपचार भइरहेको जिल्ला प्रहरी कार्यालय अर्घाखाँचीका प्रमुख दिवस जिसिले जानकारी दिनुभयो ।
सवारी चालक पनि घाइते रहेको बताइएको छ । गाडीमा चालक सहित २६ जना रहेकोमा ४ जनाको अवस्था गम्भीर रहेको प्रहरीको भनाइ छ । गाडीमा ८ जना बच्चा रहेको प्रहरीले बताएको छ ।
