खुसीका रङ्गीन चङ्गा उड्ने आकाशमा
हिजोआज चिल मात्र उडिरहेका छन्
ए चिल ! बादलपारि
बाध्यताको लिङ्गेपिङ मच्चाइरहेका
बसन्तेहरूलाई पु¥याइदे है यो सन्देश !
दसैँँको आकाश शून्य छन् ।
आकाश मात्र होइन,
धरती पनि मलिन छ
जमरा उम्रन अन्कनाउँछ ।
आमाले हातका रेखा मेटिने गरी
लिपेको लिउन,
उनकै मनका घाउमा पाप्रा बनेको छ ।
ए, चिल झट्टै पु¥याइदे है यो सन्देश !
कमेरोले घर उज्यालो पार्न छाडेको छ ।
भौँतारिएका छन्, अक्षता पनि
निधारको खोजीमा ।
आशीर्वादको पोको
गुम्सिएका छन् पोल्टोमा ।
लङ्गुरबुर्जाको गट्टी जस्तै
कोल्टिएको छ ।
आजकाल दसैँँ
एक्लिएको छ ।
ए, चिल तँ यो सन्देश लिएर जा ।
फर्कंदा बसन्तेहरू लिएर आ ।
