• १४ भदौ २०८२, शनिबार

स्विमिङ पुलमा पौडी खेल्दा मृत्यु

blog

लीलाराज खड्का 
बिर्तामोड, भदौ १४ गते ।
झापाको बिर्तामोड-२ मा रहेको ड्रिमल्यान्ड को कम्पाउन्डभित्र रहेको स्विमिङ पुलमा डुबेर एक जनाको मृत्यु भएको छ ।

शुक्रबार दिउँसो ३ बजे स्वीमिङ पुलमा बिर्तामोड–३ बस्ने ३३ वर्षीय प्रकाश प्रसाई र बिर्तामोड–१० बस्ने ३३ वर्षीय केशब शिवाकोटी पौडी खेल्न गएका थिए । पौडी खेल्ने क्रममा प्रसाईको मृत्यु भएको हो । मृतक ओमकार रेडिमिक्स कङ्क्रिट प्रालिका सञ्चालक हुन् ।

शुक्रबार राति ८ बजे स्वीमिङ पुल सञ्चालकले इलाका प्रहरी कार्यालय बिर्तामोडमा जानकारी गराएपछि प्रहरी टोली पुगी अनुसन्धान भइरहेको जिल्ला प्रहरी कार्यालय झापाले जनाएको छ ।