• १५ भदौ २०८२, आइतबार

नेपालमाथि भारी गोल गर्दै भारत एक खेल अगावै च्याम्पियन

blog

बल खोस्ने प्रयास गर्दै नेपाल र भारतका खेलाडी ।

काठमाडौँ, भदौ १४ गते । भारतले एक खेल अगावै साफ यु–१७ महिला च्याम्पियनसिपको उपाधि जितेको छ । भुटानको थिम्पुमा शुक्रबार साँझ भएको खेलमा नेपाललाई ५–० गोलले हराउँदै भारतले एक खेल अगावै उपाधि जितेको हो । 

भारतले तेस्रो पटक यस उपाधि उचालेको हो । यसअघि भारतले सन् २०१८ र २०१९ मा उपाधि जितेको थियो । नेपाल यसअघि पहिलो लेगमा भारतसँग ७–० गोलले पराजित भएको थियो । दुई खेलमा भारतसँग १२ गोल खाँदा नेपालले एउटा पनि गोल फर्काउन सकेन ।

चार टोली सहभागी च्याम्पियनसिपको अन्तिम खेलमा अब भारतले बङ्गलादेश र नेपालले भुटानसँग आइतबार प्रतिस्पर्धा गर्ने छ । पाँच खेलमा अपराजित रहेको भारतले १५ अङ्क बनाएको छ । यस्तै दोस्रो स्थानमा रहेको बङ्गलादेशको १०, नेपालको तीन र भुटानको एक अङ्क छ । 

नेपालले नेपाल बङ्गलादेशसँग पहिलो खेलमा ३–० र दोस्रो खेलमा ४–१ गोलको हार खेपेको थियो । यस्तै नेपाल भुटानसँगको पहिलो लेगमा २–१ गोलले विजयी भएको थियो ।