लागुऔषधसहित दुई जना पक्राउ

अर्जुन काफ्ले
स्याङ्जा, भदौ १४ गते । गल्याङ नगरपालिका –१ राम्दीमा लागुऔषधसहित दुई जनालाई प्रहरीले नियन्त्रणमा लिएको छ ।सिद्धार्थ राजमार्गमा वडा प्रहरी कार्यालय वालिङ र अस्थायी प्रहरी चौकी राम्दीबाट खटिएको टोलीले नियमित सवारी साधन चेकजाँचका क्रममा बुटवलबाट पोखरा तर्फ आउदै गरेको लु १ ख ८४५२ नम्बरको यात्रुबाहक बसमा लागुऔषध प्रहरीले फेला परेको हो ।

प्रहरीले कास्की पोखरा महानगरपालिका –३२ लेखनाथ बस्ने २४ वर्षीय अजय परियार र ३० वर्षीय अमृत थापालाई पक्राउ गरेको हो ।

उनीहरूको साथबाट डाईजेपाम ३४ एम्पुल, नुफिन ३४ एम्पुल र फेनेरागन ३४ एम्पुल गरी जम्मा १०२ एम्पुल नियन्त्रित लागुऔषध बरामद गरेको प्रहरी नायब उपरीक्षक प्रसन्न राज चौधरीले जानकारी दिनुभयो ।

बरामद लागुऔषधसहित दुवैजनालाई नियन्त्रणमा लिएर थप अनुसन्धान अघि बढाइएको चौधारीले बताउनुभयो ।