कुआलालम्पुर, भदौ १४ गते । मलेसिया सरकारद्वारा नवीकरणीय ऊर्जा प्रवाहका लागि विद्युत् सञ्जालको प्रयोगबापत लाग्ने शुल्कमा ४० प्रतिशतसम्मको कटौती गरिएको छ । ऊर्जा रूपान्तरण तथा पानी मन्त्रालयले यो निर्णय दुई वटा विशेष योजना अन्तर्गत लागु गरेको हो ।
शुक्रबार प्रकाशित विज्ञप्तिमा मन्त्रालयले जानकारी गराएअनुसार, चालु वर्षको अगस्त १ गतेदेखि लागु भएको नयाँ विद्युत दर संरचना अनुसार, प्रणाली पहुँच शुल्क तथा सामुदायिक पहुँच शुल्कमा पुनरावलोकन गरी समायोजन गरिएको छ । यस समायोजनमार्फत शुल्क गणनामा पारदर्शिता कायम गर्दै उपभोक्ता माथि दोहोरो भार नपर्ने व्यवस्था मिलाइएको बताइएको छ ।
सामुदायिक नवीकरणीय ऊर्जा समूह संयन्त्र अन्तर्गत लाग्ने पहुँच शुल्क पहिलेको १५ साना इकाइबाट घटाएर ९ साना एकाइ निर्धारण गरिएको छ । त्यसै गरी, कर्पोरेट नवीकरणीय ऊर्जा आपूर्ति योजनाअन्तर्गत, पक्का आपूर्तिका लागि प्रणाली पहुँच शुल्क २५ साना एकाइबाट घटाएर २० साना इकाइ तथा अपक्का आपूर्तिका लागि ४५ साना एकाइबाट घटाएर ४० साना एकाइ कायम गरिएको छ ।
मन्त्रालयले सो निर्णयले देशभित्र हरित ऊर्जा प्रवर्धनमा महत्त्वपूर्ण योगदान पुर्याउने विश्वास व्यक्त गरेको छ, साथै निजी तथा संस्थागत लगानीकर्ताहरूलाई आकर्षित गर्ने र दीगो ऊर्जा लक्ष्य प्राप्तिमा सहयोगी हुने छ । रासस/सिन्ह्वा
