च्याम्पियन्स लिगको रौनक सुरु

मोनाको, भदौ १४ गते । विश्वको सबभन्दा प्रतिष्ठित क्लब फुटबल प्रतियोगिता च्याम्पियन्स लिगको उपाधि रक्षा अभियानमा रहेको पेरिस सेन्ट जर्मेन (पिएसजी) ले समूह चरणमै कठिन प्रतिद्वन्द्वी पाएको छ ।

बिहीबार भएको ड्र अनुसार पिएसजीले समूह चरणमा जर्मनीको च्याम्पियन बायर्न म्युनिख र स्पेनी लिग विजेता बार्सिलोनासँग भिड्नुपर्ने भएको छ । तेस्रो ‘पट’ मा रहेका टोटेनहामसँग पनि पिएसजीले खेल्नुपर्ने छ । दुई हप्ताअघि मात्र पिएसजी र पिएसजी सुपर कपका लागि भिडेका थिए । टोटेनहाम युरोपा लिग च्याम्पियन हो । यसै गरी पिएसजीले समूह चरणमा न्युक्यासल, एथलेटिको बिल्बाओ, बायर लिभरकुसेन, एट्लान्टा र पोर्चुगलको च्याम्पियन स्पोर्टिङ लिस्बनसँग पनि खेल्नुपर्ने छ । पिएसजी गत वर्ष समूह चरणमा १५ औँ स्थानमा रहेको थियो । यद्यपि त्यसपछि सानदार प्रदर्शन गर्दै पिएसजी च्याम्पियन बनेको थियो ।

रियल म्याड्रिड र लिभरपुल पुनः भिड्ने

सर्वाधक १५ पटक च्याम्पियन्स लिग जत्ने रियल म्याड्रिडलाई पनि सजिलो ड्र छैन । रियल म्याड्रिडले पनि समूह चरणमै प्रिमियर लिगका दुई हेभिवेट टिम म्यान्चेस्टर सिटी र लिभरपुलसँग खेल्नुपर्ने छ । यसै गरी रियल म्याड्रिडले नवप्रवेशी काजकिस्तानको कैरात अल्माटीसँग खेल्न ६,४२० किलोमिटर दुरी तय गर्नुपर्ने छ । जुन च्याम्पियन्स लिगमा अहिलेसम्मकै सबभन्दा टाढाको यात्रा हुने छ ।

गत सत्रमा पनि रियल म्याड्रिड र लिभरपुल समूह चरणमा भिडेका थए । सो समय लिभरपुलले घरेलु मैदानमा भएको खेल २–० ले जितेको थियो । रियल म्याड्रिडले इटालीको युभेन्ट्ससँग पनि खेल्ने छ । जुन सन् २०१७ को च्याम्पियन्स लिग फाइनलको पुनरावृत्ति हुने छ । रियल म्याड्रिडले समूह चरणमै खेल्नुपर्ने अन्य टिममा फ्रान्सका अन्य दुई टिम मार्से र मोनाकोका साथै इन्टर मिलान, आइनट्राक्ट फ्रान्कफर्ट, मार्से र गालाटसारेको पनि हुन् ।

लिग संरचना

लिग चरणमा ३६ टोली सहभागी भएर खेलिएको यो दोस्रो च्याम्पियन्स लिग हो । सबै टिमलाई एकै समूहमा राखिएको छ । हरेक टिमले समूह चरणमा आठ टिमसँग खेल्ने छ । शीर्ष आठ टिम सिधै अन्तिम १६ मा पुग्ने छ । नौ देखि २४ औँ स्थानसम्म रहने टिमले प्लेअफ खेल्ने छन् । अङ्क तालिकामा पुछारमा रहेका १२ टिम समूह चरणबाटै बाहिरिने छ । च्याम्पियन्स लिगका खेल सेप्टेम्बर १६ मा सुरु हुने छ । लिग चरणको अन्तिम दिन जनवरी २८ रहेको छ । यसपालि बोडो–ग्लिम्थट, कैरात अल्माटी, पाफोस र बेल्जियमको च्याम्पियन युनियन सेन्ट गिलोइसीले च्याम्पियन्स लिगमा पदार्पण गर्ने छन् ।

पुरस्कार राशि

युएएफएले ३६ टोलीका लागि २.८८ विलियन डलर पुरस्कार राशि छुट्याएको छ । सबभन्दा कम वरीयताको कैरातले पनि दुई करोड ३० लाख डलर पक्का गरिसकेको छ । शीर्ष वरीयताको रियल म्याड्रिड र पिएसजीले कम्तीमा छ हरोड ९० लाख डलर पाउने छन् । टिमले हरेक जित र बराबरीमा थप कमाइ गर्ने छ । उपाधि विजेताले १७५ मिलियन डलर पुरस्कार पाउने छ । एपी