बेलायतमा नेपाली फिल्म फेस्टिभल

गोरखापत्र समाचारदाता

काठमाडौँ, जेठ १६ गते । थर्ड आईको आयोजनामा बेलायतको राजधानी लन्डनमा पाँचदिने ‘नेपाली फिल्म फेस्टिभल इन लन्डन २०२२’ आयोजना हुने भएको छ । युट्युबमा नआएका, विभिन्न टेलिभिजन च्यानलबाट प्रसारण नभएका तर हलमा मात्र रिलिज भएका चलचित्रमध्येबाट दसवटालाई महोत्सवमा सहभागी गराइने थर्ड आईका प्रमुख विकास देवकोटाले बताउनुभयो । महोत्सव घोषणा कार्यक्रममा वरिष्ठ कलाकार नीर शाह, नायिका करिश्मा मानन्धर, निरुता सिंह, नायक सरोज खनाललगायतले शुभकामना दिनुभएको थियो ।