समाजवादीको बैठक माघ २८ देखि

गोरखापत्र समाचारदाता

काठमाडौँ, माघ १५ गते । नेपाल कम्युनिस्ट पार्टी (एकीकृत समाजवादी) ले पार्टी स्थायी कमिटी, पोलिटब्युरो र केन्द्रीय कमिटी बैठक बोलाएको छ । महासचिव घनश्याम भुसालका अनुसार माघ २८ गते स्थायी कमिटी, २९ गते पोलिटब्युरो र माघ ३० देखि फागुन २ सम्म केन्द्रीय कमिटी बैठक बस्ने निधो भएको जानकारी दिनुभयो । 

उहाँले बैठकमा पछिल्ला समसामयिक राजनीतिक घटनाक्रम, पार्टीको अवस्था, आगामी रणनीतिबारे छलफल हुने उल्लेख गर्नुभयो । बैठकको एजेन्डाका बारे पार्टीका नेतालाई जानकारी गराइसकिएको उहाँले जानकारी दिनुभयो ।