गोरखापत्र समाचारदाता
काठमाडौँ, मङ्सिर २८ गते । ‘माग्ने राजा’ नामक चलचित्र बन्ने भएको छ । निर्माण युनिटले एक पोस्टर सार्वजनिक गर्दै बिहीबार चलचित्रको नाम सार्वजनिक गरेको हो ।
केदार घिमिरे (माग्ने बुढा) को मुख्य भूमिका रहने चलचित्र फागुन १ बाट छायाङ्कन सुरु हुने निर्देशक ऋषि लामिछानेले जानकारी दिनुभयो ।
सामीप्यराज तिमिल्सिनाको कथा तथा पटकथा रहेको चलचित्रको निर्माता मुनाल घिमिरे हुनुहुन्छ । चलचित्रमा नरेन्द्र मैनालीको छायाङ्कन रहने छ । केदार घिमिरे मुख्य भूमिकामा रहेको पहिलो चलचित्र ‘माग्ने राजा’ हुने छ । चलचित्रको नाम चलचित्र विकास बोर्डमा दर्ता भएपछि सार्वजनिक गरिएको हो ।
