कथाकार पादुकालाई कोहलपुरमा सम्मान

सिराज खान 

नेपालगन्ज, मंसिर १९ गते। हाम्रो पूर्णिमा साहित्य प्रतिष्ठान कोहलपुरले वरिष्ठ साहित्यकार विष्णु पादुकालाई सम्मान गरिएको छ।

हाम्रो पूर्णिमा साहित्य प्रतिष्ठान कोहलपुरको आयोजनामा भएको कार्यक्रममा यस वर्षको डिसहोम बाह्रखरी कथा प्रतियोगितामा एक लाख रुपियाँको प्रथम पुरस्कार जित्न सफल कोहलपुरका कथाकार विष्णु पादुकालाई बधाई तथा सम्मान गरिएको हो। 

पुरस्कार विजेता पादुकालाई कार्यक्रमका प्रमुख अतिथि नेपाल प्रज्ञा प्रतिष्ठानका प्राज्ञ महानन्द ढकाल र हाम्रो पूर्णिमा साहित्य प्रतिष्ठान कोहलपुरका अध्यक्ष पुष्कर रिजालले सम्मान गर्नुभएको हो। 

प्रतियोगितामा देश विदेशका करिब ९३६ बढी कथाकारलाई पछि पार्दै कोहपुरका पादुकाको ‘माग्युद खोना’ कथाले वर्ष २०८१ को प्रथम स्थान प्राप्त गर्न सफल भएको हो।