काठमाडौँ, मङ्सिर १७ गते । नेपाल प्रिमियर लिग (एनपिएल) अन्तर्गत सोमबारको दोस्रो खेलमा जनकपुर बोल्ट्स र कर्णाली याक्सबिच प्रतिस्पर्धा हुँदैछ ।
त्रिवि क्रिकेट मैदानमा अहिले कर्णालीले टस जितेर पहिले ब्याटिङ गर्ने निर्णय गरेको छ । जनकपुर लगातार दोस्रो जित निकाल्ने लक्ष्यमा छ ।
यसअघि शनिबार भएको उद्घाटन खेलमा जनकपुरले विराटनगर किङ्सलाई आठ विकेटले हराएको थियो । यता भारतका चर्चित खेलाडी शिखर धवनको प्रदर्शनमा कर्णाली सुखद सुरुवात गर्ने तयारीमा छ ।
