बसको ठक्करबाट एकको मृत्यु, एक घाइते

गणेश खनाल

अर्घाखाँची, कात्तिक १४ गते । बसले ठक्कर दिँदा शुक्रबार एक जनाको मृत्य भएको छ । एक जना घाइते भएका छन् । अर्घाखाँची जिल्ला सन्धिखर्क नगरपालिका वाड नम्वर ६ धाराबजारमा बुटवलबाट सुपा देउरालीमा पिकनिकका लागि आएको लु २ ख १४१५ नम्वरको बसले ठक्कर दिँदा एक जनाको मृत्युु भएको हो ।

अर्घाखाँची सितगंगा नगरपालिका वाड नम्वर ४ अमराई बस्ने अन्दाजी १३ वर्षका बिनिता बिकको उपचारको क्रममा जिल्ला अस्पताल सन्धिखर्क अर्घाखाँचीमा मृत्यु भएको प्रहरी प्रमुख चक्र मल्लले जानकारी दिनुभयो ।

सोही स्थान बस्ने बर्ष १० कि एलिना विकको जिल्ला अस्पतालमा उपचार भइरहेको जनाइएको छ । गाडिचालक र गाडि साहुलाई प्रहरीले नियन्त्रणमा लिएको छ ।