तिलाचन पाण्डे
तम्घास, कात्तिक २८ गते । कालीगण्डकी नदीमा पौडी खेल्न क्रममा डुबेर एक जना बेपत्ता भएका छन् । कालीगण्डकी नदीमा पौडी खेल्ने क्रममा जिल्लाको कालीगण्डकी गाउँपालिका वडा नम्बर २ अर्वेनीका ४९ वर्षीय दीपेन्द्र न्यौपाने बेपत्ता भएको वडा अध्यक्ष रेशमराज न्यौपानेले जानकारी दिनुभयो ।
कात्तिक २७ गते मङ्गलबार साँझ पौडी खेलेर नदी पार गरिदिन्छु भन्दै नदिमा पसेको दिपेन्द्र बेपत्ता भएको स्थानीयहरुले जनाएका छन् । दीपेन्द्रले मदिरा सेवन गरेर नदिमा पसेको हुन सक्ने अध्यक्षको भनाइ छ ।
दीपेन्द्रको खोजी कार्यका लागि पुर्तिघाट प्रहरी चौकी र स्थानीय युवाहरुको टोली परिचालन भएको र खोजी कार्य जारी राखिएको वडा अध्यक्ष न्यौपानेको भनाइ छ ।
