सर्पले टोकेर बालकको मृत्यु

शिवशङ्कर मिश्र

बारा, भदौ २५ गते । घरमा सुतिरहेका बालकलाई विषालु सर्पले टोक्दा उहाँको मृत्यु भएको छ । मृत्यु हुनेमा महागढीमाई नगरपालिका–१० बस्ने शिवचन्द्र लोहारका ११ वर्षीय छोरा राकेश शर्मा रहेका छन् । 

गाई गोरुले खाने भुस राखेको घरमा सुतिरहेको अवस्थामा सोमबार करिब ३ बजे गोमन सर्पले टोकेर घाइते भएको बच्चालाई अस्पताल पुर्‍याउन ढिलो गरेपछि राकेशको मृत्यु भएको प्रादेशिक अस्पताल कलैयाका सूचना अधिकारी प्रेमकुमार पण्डितले बताउनुभयो ।