काठमाडौं, भदौ १९ गते । गोरखापत्र संस्थानको पुस्तकालय तथा अभिलेख शाखामा कार्यरत कार्यालय सहयोगी (पाँचौँस्तर) गीता न्यौपाने उमेर हद ५८ वर्ष पार गरेका कारण सेवानिवृत्त हुनुभएको छ । यही भदौ २० गतेदेखि सेवा निवृत्त हुन लाग्नु भएका न्यौपानेको बुधबार संस्थान व्यवस्थापनले सम्मानका साथ बिदाइ गरेको छ ।
वि.सं. २०५३ भदौ २५ गते स्थायी सेवामा संस्थान प्रवेश गर्नुभएका न्यौपानेले संस्थानमा २७ वर्ष ११ महिना २४ दिन स्थायी सेवामा रहेर कार्य गर्नुभयो ।
कार्यक्रममा संस्थानका कार्यकारी अध्यक्ष विष्णुप्रसाद सुवेदी र महाप्रबन्धक लालबहादुर ऐरीले न्यौपानेलाई सम्मानपत्र र मायाको चिनो प्रदान गर्नुभयो ।
बिदाइ कार्यक्रममा गोरखापत्र दैनिक निमित्त प्रधान सम्पादक शिवकुमार भट्टराई, निमित्त नायब महाप्रबन्धक यमप्रसाद कँडेल, अर्थ विभाग प्रमुख राजुकुमार महत, प्रशासन विभाग प्रमुख भगीरथ बस्नेतलगायत प्रकाशन प्रमुख तथा विभागीय प्रमुख उपस्थित हुनुहुन्थ्यो ।
बिदाइ कार्यक्रममा सहभागीहरूले सेवा निवृत्त न्यौपानेको बाँकी जीवन सुखी, आनन्दमय र खुसी रहोस् भनी कामना गर्नुभयो ।
