काठमाडौँ, भदौ १७ गते । लिभरपुलले इङ्लिस प्रिमियर लिग फुटबलमा म्यानचेस्टर युनाइटेडमाथि सानदार जित निकालेको छ ।
आइतबार राति भएको खेलमा लिभरपुलले युनाइटेडलाई उसैको मैदानमा ३–० गोलले हरायो । एकपक्षीय खेलमा लिभरपुललाई जिताउन लुइस डियाजले दुई गोल गर्नुभयो । अर्को गोल मोहम्मद सलाहले थप्नुभयो ।
डियाजले ३५औँ र ४२औँ मिनेटमा गोल गर्नुभयो । सलाहले ५६औँ मिनेटमा एक गोल थप्नुभएको थियो । लगातार तेस्रो जितसँगै नौ अङ्क बनाएको लिभरपुल दोस्रो स्थानमा छ । समान अङ्क बनाएको म्यानचेस्टर सिटी शीर्षस्थानमा छ । पराजित युनाइटेड तीन अङ्कसहित १४औँ स्थानमा छ । एजेन्सी
