फगत मान्छे (कविता)

नारायण तिवारी 

म छु र चन्द्र सूर्य छन्

म छु र खोलानाला छन्

म छु र यो ब्रह्माण्ड छ

म छु र यो धर्ती छ

म छु र आकाश छ, आकाशको सुन्दरता छ

म छु र यो जीवन छ, जीवनको यात्रा छ

म छु र यो अनुपम सृष्टि छ

म छु र नदी छ, पहाड छ, हिमाल छ

म छु र अग्नि छ, जल छ, सारा चराचर छ

म छु र सपना छ, उज्यालो भविष्य छ

म छु र प्रकृति छ, रमणीय ताल छ

म छु र सारा संसार छ  

म नारायण तर, ईश्वर होइन मान्छे, फगत मान्छे

म छु र ईश्वर पनि छ

म विना यो सारा संसार के, संसारको सुन्दरता के ?

म विना यो संसारको सार्थकता के ?

म विना संसारको सार के, ईश्वर के......?