काठमाडौँ, जेठ २ गते । साविक विजेता सिटी इङ्लिस प्रिमियर लिग फुटबलको शीर्षस्थानमा उक्लिएको छ ।
मङ्गलबार राति भएको खेलमा सिटीले टोट्टनहामलाई उसैको मैदानमा २–० गोलले हराउँदै शीर्षस्थान कब्जा गरेको हो । सिटीलाई जिताउन दुवै गोल एर्लिङ हालान्डले गर्नुभयो । हालान्डले ५८औँ र दोस्रो हाफको इन्जुरी समयमा गोल गर्दै सिटीलाई जिताउनुभएको हो ।
जितसँगै सिटीले ३७ खेलबाट ८८ अङ्क बनाएको छ । दोस्रो स्थानमा रहेको आर्सनलको समान खेलबाट ८६ अङ्क छ । तेस्रो स्थानमा रहेको लिभरपु्लको ७९ अङ्क छ । सिटीसँग पराजित टोट्टनहाम ६३ अङ्कसहित पाँचौँ स्थानमा छ ।
सिटीको जितसँगै उपाधि दौड रोचक बनेको छ । आइतबार हुने अन्तिम चरणको खेलमा सिटीले वेस्टहाम युनाइटेड र आर्सनलले एभर्टनसँग खेलेपछि विजेताको टुङ्गो लाग्नेछ । एजेन्सी
