जयकृष्ण यादव
इनरुवा, वैशाख २७ गते । सुनसरीको इनरुवा नगरपालिका ७ चाँदबेलामा रहेको थलाहा खोला तर्नका लागि बाँसको पुलमा जोखिम यात्रा गर्नेहरुको मागलाई सम्बोधन गर्न झोलुङ्गे पुल निर्माण गरिने भएको छ ।
इनरुवा नगरप्रमुख केदार भण्डारीले कैयौं वर्षदेखि थलाहा खोला वारपार गर्न स्थानीयहरुले बाँसको पुलमा जोखिम यात्रा गर्ने गरेका कारण झोलुङ्गे पुल निर्माण गर्न लागिएको बताउनुभयो ।
नगरप्रमुख भएर आएपछि इनरुवा ७ का स्थानीयहरुको पीडालाई ध्यानमा राखेर थलाहा खोलामा झोलुङ्गे पुल बनाउने वाचा गरेको बताउनुभयो । उहाँले पुल केही महिनाभित्रै पूरा गर्ने जानकारी दिनुभयो ।
