रमेश विश्वकर्मा
गुल्मी, वैशाख २१ गते । गुल्मीमा घाँस काट्ने क्रममा लडेर ४३ वर्षीया महिलाको मृत्यु भएको छ । जिल्लाको रेसुङ्गा नगरपालिका वडा नम्बर २, छापटोला बस्ने ४३ वर्षीय खुमकला थापाको मृत्यु भएको जिल्ला प्रहरी कार्यालय गुल्मीले जनाएको छ ।
थापा श्रीमानसँगै घाँस काट्न रेसुङ्गा नगरपालिका वडा नम्बर ३, दहडाँडामा जानुभएको जिल्ला प्रहरी कार्यालय गुल्मीका सूचना अधिकारी एवम् प्रहरी नायब उपरीक्षक शङ्कर पोखरेलले जानकारी दिनुभयो । घाँस काट्ने क्रममा लडेपछि उहाँलाई अस्पताल ल्याइएकोमा अस्पतालले मृत घोषणा गरेको प्रहरीले जनाएको छ ।
