काठमाडौँ, वैशाख १६ गते । अस्ट्रेलियाको वार्षिक मुद्रास्फीति दर ३.६ प्रतिशतमा झरेको अस्ट्रेलियन ब्युरो अफ स्ट्याटिस्टिक्स (एबीएस) ले सार्वजनिक गरेको आधिकारिक तथ्याङ्कले देखाएको छ ।
तथ्याङ्कले उपभोक्ता मूल्य सूचकाङ्क (सीपीआई) २०२४ को पहिलो तीन महिनामा १.० प्रतिशत र मार्चको अन्त्यसम्म १२ महिनामा ३.६ प्रतिशतले बढेको देखाएको छ । यसले डिसेम्बर २०२३ को अन्त्यसम्म १२–महिनाको अवधिमा सिपिआईमा ४.१ प्रतिशतको वृद्धिबाट घटेको सङ्केत गरेको छ ।
एबिएसले २०२४ को पहिलो त्रैमासिकमा शिक्षा, स्वास्थ्य, आवास, खाना र गैर–मादक पेय पदार्थहरूको बढ्दो लागतलाई मुद्रास्फीतिको सबैभन्दा महत्त्वपूर्ण कदमका रूपमा लिएको छ । घरको मूल्य २०२४ को सुरुको तुलनामा मार्चको अन्त्यमा ०.७ प्रतिशत बढी र १२ महिना अघिको तुलनामा ४.९ प्रतिशत बढी थियो । तीन महिनाको अवधिमा शिक्षा खर्च ५.९ प्रतिशत र स्वास्थ्य खर्च २.८ प्रतिशतले बढेको छ । सोही अवधिमा मासु र समुद्री खानाको मूल्य ०.७ प्रतिशतले घटेको छ तर गैर–अल्कोहल पेय पदार्थ र फलफूल र तरकारीको मूल्य बढेको छ । सिन्ह्वाकाे सहयोगमा
