काठमाडौं, चैत १२ गते । राष्ट्रपति रामचन्द्र पौडेलले जनता समाजवादी पार्टीका नेता दीपक कार्कीलाई वन तथा वातावरण राज्यमन्त्रीमा नियुक्त गर्नुभएको छ ।
राष्ट्रपति पौडेलले सोमबार प्रधानमन्त्री पुष्पकमल दाहाल ‘प्रचण्ड’को सिफारिसमा प्रतिनिधि सभा सदस्य कार्कीलाई राज्यमन्त्रीमा नियुक्त गर्नुभएको हो ।
राष्ट्रपति कार्यालयका प्रवक्ता शैलजा रेग्मी भट्टराईद्वारा जारी विज्ञप्तिमा लेखिएको छ, ‘‘ राष्ट्रपति रामचन्द्र पौडेलले संवत् २०७९ साल पुस ११ गते गठित मौजुदा मन्त्रिपरिषदमा नेपालको संविधानको धारा ७६ को उपधारा ९ बमोजिम प्रधानमन्त्रीको सिफारिसमा सदस्य दीपक कार्कीलाई राज्यमन्त्री पदमा नियुक्त गरी वन तथा वातावरण मन्त्रालयको राज्यमन्त्रीको कार्यभार सम्हाल्ने गरी तोक्नु भएको छ ।’’ कार्की धनुषा–१ बाट निर्वाचित सांसद हुनुहुन्छ ।
